blog.raek.se

Moted ela Volapuk.info

This post is also available in English.

Anu, binos tüi vigs kil sis egetob penedi et dö spikotacem ela IRC. Edabinos el Radu, kel ipotom grupe Facebook vüdi ad spikön Volapüki in spikotacem #volapuk de resod irc.unilang.org. Ebevöbob proyeki votik ün timül et (nätäpretan ela RDFa), ab etikob das övisitob spikotacemi e ösagob eli „glidis“.

Nemediko ven eyumädob spikotacemi #volapuk, el Radu eprimom ad spikön obe – in Volapük, klüliko. Estubob, ab esteifülob ad egespikön äs gudiko äs kan oba, otüpä epadob in vödabuks e gramats. Spikot efövon, ed etüvob e estunob tefü das esevob Volapüki lemödo gudikumo ka kel petikob. Jü del et, no ispikob in Volapük, ab te istudob oni. Estunob tefü das ekanob spikön in pük müsterik et, e suno eglömob proyeti votik oba.

El Radu emäniotom das etikom dö cinaspikan in spikotacem ad sukön vödis in vödabuk ed jäfids som. Nitediko, ilautob stäänükamis pro cinaspikan, kel pilauton fa flen obik, e nemediko eprimob bevobön vödabukastäänükami pro on. Lato ün del ot, fomam balid cinaspikana, penemöl elu „puknik“, pefimekon e binon blümik ad dunetön.

El Radu i emäniotom das sötös dabinön resodapad, kel binon fasilik ad tuvön, ko lärnods, vödabuks e gramats mödik in plad balatik. Ebaicedob ko om. Emobom ladeti volapuk.info. Plidon obe ed elofob das edaifidoböv oni. Lato ün del ot, remobs ladeti. Fonam balid resodapad ebinon te nüned HTML bal e nüned CSS bal. Bi el Web 2.0 e resods sogädik ebinon vemo nitedik pro ob, evilob ziläkön resodapad ko el Twitter. Ekredob das binon mod mödo gudik ad mekön spikotis logädiku in vüresod.

Iprimob reidön dö el API ela Twitter e resodaskelät ela Pylons. Pos tim seimik – za vigs tel pos resodapad balid pemaifükon – gelautami, kel pestabon su el Pylons, pefimekon. Yumäds in resodapad elokädons yumäds in el Delicious e nuns ela Twitter ko el hashtag #volapuk pejonons in resodapad.

Du vigs kil at, äkolkömön flenis nulik anik. Volapük binon vo pük lifik e spelob das el Volapuk.info omekon pösods pluik tüvons pük janälik at.

Comments

Comments are hosted on the same server as this blog. The server resides in the EU and no data is shared with third parties.